728x90 شفرة ادسنس

الأربعاء، 9 أكتوبر، 2013

Manifesto

هذا كلام لأغنية وضعتُها قبل شهرين وفي أعقاب مرحلة تأليفيّة شديدة الصعوبة، رافقت تطورات الربيع العربي واستحواذها على «لاحق ترجع عا دبي» أنشرها اليوم لاختبار صداها لدى القرّاء، وإذا كانت تصلح لكي تغنّيها فيروز.
يتلقّى موقع «الأخبار» الالكتروني ردود القرّاء بلا أو نعم فقط www.al-akhbar.com .
ملاحظة: القصيدة باللغة المحكيّة.


المتابعة اليوميّة. ولهذه المناسبة، أعدتُ مطالعة جملة من الكتب المتعلّقة بالثورة البولشفية، فضلاً عن كتاب روجيه غارودي حول فكر هيغل، وكتاب إنغلز «أصل العائلة والملكيّة الخاصة والدولة»، وكتاب ألتوسير L′Avenir dure longtemps. أغنية
***

إمّي ما فِهمِتْ لهلّق لي تَرَكْنا          فِكْرَهْاْ إمّي رِحتْ تْأسِّسْ   
  تا نِتْمركز بِدبيْ

***

  ميِّل عا أهلك شوي        عليّ شوي وعلى الحيّ   
بعدن الولاد الحافيين        والقسطل عم يرمي المي   
 خود بتلفونك كم صورة      ولاحق ترجع عا دبي    
     
ميِّل شوف العالم كيف         بتحكي وَحْدَهْاْ عالرصيف   
  وزلمة صرلو عشر سنين         مقرّر يرجع عَلَى الريف   
ناصب فرشِةْ كَعْكُو تَحْتْ        آخر شجرة بتعطي فَيّ

***



     وفيك تشوفو للمطار         من عنّا
     والسوّاح الطايرين          فوق منّا
     وكل ما يزيدوا الطيارات         مْنِتمنّى
     لو إنّو وسط بيروت          تارك شي للّي حواليه

***
     ميِّل عا أهلك شوي        عليّ شوي وعلى الحيّ
(.......... إلخ)

***


     وكل جمعة في تلفزيون           بيناصِرْنا
    فرن طرمبة قسطل لمبة           بيِختصرنا 
    وإذا نسينا نْسِبّ الدولة           بيذكّرنا
   ودايماً ولد بيهجم رافع       شارة نصر اعْرَفْلي لَيْ  


***


      وبعدن الكلاب التايهين          بْيِلْفوا أكتر من سوكلين
     وصعبة يلاقوا شي ياكلوه         بْمطرح أهلو هفيانين
     وبدّك قول لأمّي تجوّز​؟       إجتو بنت وصفّى بيّ
     
       ما في عنّا شحّادينْ       لا سرقة وْلا نشّالينْ
     عالقَطْعَة بيضهر درّاج       عالحمرا أو عا ساسين
    مننام بواب مفتوحة         والله بيسهر الله حَيّ 


***


     مننطر تجي الكهربا         تَا نْطَفّيها
   أحلى ما تحرق الشقّة           واللي فيها 
   وقال صار في لمبة بالسوق             أَبَدِيّة 
   صوّرها لأنّو هايْ         ما في منها بدبيْ  


***



    إسم الخِضرة خضرة لَي          لأنها خَضرا يا خيّ
     ميّل تعا حدّدلي لونها            بْرَشْحْ ونشّ وقلّة رَيْ
     وأفضل نوعيّة بتروح          هاي من عنّا عا دبي

***


     داير سَبَق الجمعيات          ليساعدونا
   بيجوا بْيحصوا بْيِجِرْدونا         وبيعِدّونا 
   ولازم نِنْجَحْ درجة فقرهن      أو ما دونها 
    وناطريــــــــــــــن تقريرهن يرجعْ      من مركزهن بدبي 

***

                                                      ميِّل عا أهلك شوي       بحبّك ما بتعرف قَدَّيْ
                                                     لو بدّي هاجر هاجرت    بلدي وتعوّدت عْلَيْ



زياد الرحباني

جريدة الاخبار
العدد 1820

الجمعة 28 ايلول 2012
  • تعليقات بلوجر
  • تعليقات الفيس بوك
Item Reviewed: Manifesto Rating: 5 Reviewed By: رحبانيات و فيروزيات
إلى الأعلى