728x90 شفرة ادسنس

الثلاثاء، 14 أكتوبر، 2014

Тбилиси | Multifunctional Push-Button

Aــ كلّ ما يسعى الإنسان لتسهيل عَمَلو، وخاصةً عبر التكنولوجيا وكل شي إلكتروني، باختصار الوقت اللي بيتطَلَّبو عمل معيَّن وباختصار عدد الخطوات اللي كان معوَّد يعملها ليوصل لنتيجة معيّنة، بيحصَل على فرصة للـ«صَحّ» المُرتَجى بشكل أسرع، بيقابلو تزايد احتمال الغلط الناتج عن السرعة، كمان بشكل أسرع.
Bــ الشريط عندو حماية حتى ما ينمَحى. فَـ... لَتِقدَر تمْحِي شريط لازم تشيل الحماية ضدّ المحِي. يعني المَحِي الماكنة ما بتفهمو مِتلَك بعد ما أخدْت قرار المَحِي اللي هوّي عكس التسجيل.
الماكنة بتِفهَم المَحِي هو تسجيل ما شي… شو يعني؟ أهَهْ.
أولاً، الماكنة ماكنة.
ثانياً، إنتِ مخترعها هيك أو غير هيك.
ثالثاً، رح تعمل نفس الحركة بالحماية لتسجِّل أو تِمْحي.
رابعاً، رح تعمل عكس هالحركة لحتّى لا تسجِّل ولا تِمْحي.
خامساً، لشو إذَن مخترع هالحماية؟… فكِّر فيها… لأنو أنا ما بعرف.
ومع إنو المَحِي هو عكس التسجيل تماماً، إنتِ مضطر تعمل نفس الحركات. وإستعمال الحماية هو مش بس ضدّ المَحِي ضدّ التسجيل أيضاً! ضدّك يعني بالحالتَين وإنتِ اللي مخترعو.
ملاحظة: يعني بدها انتباه ودقة كتير.
أحياناً، بتصير رغبة الإخفاء = رغبة الإبقاء.



زياد الحباني 
الأخبار - العدد ٢٤١٨ 
الثلاثاء ١٤ تشرين الأول ٢٠١٤
  • تعليقات بلوجر
  • تعليقات الفيس بوك
Item Reviewed: Тбилиси | Multifunctional Push-Button Rating: 5 Reviewed By: رحبانيات و فيروزيات
إلى الأعلى